Ginkumpirma sang Department of Migrant Workers (DMW) nga yara sa maayo nga kahimtangan ang 18 ka mga Pinoy nga crew sang oil tanker nga St. Nikolas nga ginbanggaan sang armado nga kalalakinhan sa Gulf of Oman.
Suno pa sa ahensya, napaidalom sa kustodiya sang otoridad sa Iran ang amo nga Filipino seafarers.
Ginpahayag man sang ahensya kag sang Department of Foreign Affairs (DFA) nga padayon ang ila pagpakig-angot sa Iranian authorities agud ila na nga mahilway ang mga Pinoy. Magluwas diri, nagapakig-angot man ang gobyerno sa pamilya sang amo nga seafarers.
Mangin ang Empire Navigation nga amo ang kumpaniya nga nagamanage sang oil tanker ang nagapakig-angot man sa otoridad kag sa pamilya sang crew sa subong.
Matandaan nga natabo ang insidente sang halin ang St. Nikolas sa Iraq kag padulong kuntani sa Turkey.
Gintaklasan sang armado nga kalalakinhan ang vessel, ginpatay ang tracking system, gintabunan ang surveillance camera, kag gindala ang tanker kag crew sa Iran — isa ka lihok nga suno sa Iran amo ang ila pagtimalos sa ginhimo sang Estados Unidos sang nagligad nga tuig nga pagkumpiska sa amo man nga barko.#
