Nagpatawag sang caucus ang Senado agud nga handaan ang posible nga pagpasa sang Kamara sang Articles of Impeachment batok kay Vice President Sara Duterte.
Natabo ang caucus sang mga senador isa ka adlaw matapos ang unanimous vote sang House Committee on Justice nga nagtumod nga may probable cause nga i-impeach si Duterte base sa duha ka impeachment complaints nga ginpasaka batok sa iya.
Ang nagtambong naman sa caucus sa Senado ang naghalin man sa lain-lain nga mga alyansa nga amo sanday: Senate President Vicente Sotto III, Senate President Pro Tempore Panfilo Lacson, Majority Leader Juan Miguel Zubiri, kag Senators Risa Hontiveros, Pia Cayetano, Lito Lapid, Loren Legarda, Raffy Tulfo kag Camille Villar halin sa majority bloc; kag Sen. Robin Padilla halin naman sa minority.
Suno kay Sotto, ginsapol niya ang iya mga kaupdanan agud ipahibalo sa ila nga kinahanglan na nga maghanda para sa transmittal sang complaint.
Bisan nga nagpaguwa na sang opisyal nga definition ang Supreme Court kaangot sa tinaga nga “forthwith” sa 1987 Constitution provision sa impeachment, para kay Sotto, nagakahulugan ini gihapon nga wala dapat sang delay ang impeachment.
Nagpaathag ang Senate leader nga sa idalom sang iya liderato, isa ka separado nga sangay sang gobyerno ang Senado nga mahimo gihapon mag-convene sang impeachment court sa labing-madali nga tion nga wala na sang delay.
Kun halimbawa suno kay Sotto nga kun opisyal nga ipasaka sang Kamara ang impeachment complaint sa May 11 ukon 12, mahimo na dayon mag-convene ang Senado bilang impeachment court sa Mayo 13.
Suno naman kay Sen. Lacson, indi makaapekto ang break sa nagahinampot nga impeachment trial.
Mahimo gihapon suno kay Lacson makapatigayon sang trial hearings ang Senado kun maka-convene na ini bilang impeachment court subong nga bulan.
Nahibaluan nga naka-break subong ang Senado kag magabalik ang sesyon sa Mayo 4 tubtub Hunyo 5.
Maga-adjourn ini sang session sine die halin sa June 6 tubtub sa July 26 nga bastante nga tion para sa impeachment proceedings nga magpadayon kun maka-convene na sila subong nga bulan.#
