ILOILO – Nagahibubun-ot ang mga side walk vendors sa Iloilo City government matapos nga wala ginpahanugutan ni Iloilo City Mayor Jerry Treñas ang ila ginhingyo nga tugutan sila nga magbalik sa pagbaligya sa kilid sang dalan bisan subong lang nga paskwa.
Sa interview sang Bombo Radyo kay Niel Dechupa, presidente sang Iloilo Sidewalk Vendor’s Association iya ginpahayag nga apisar nagalain ang ila buot wala na sila sang mahimo kundi sundon nalang ang nila ang luyag sang city government.
Suno kay Dechupa, sa pagkamatuod indi na mabalik bisan ang 10% lang sang ila nga kita bangud sa tuman ka hinay ang baligyaanay sa Cacho Property.
Nahibaluan nga makapila na nga naghingyo ang mga side walk vendors kay Mayor Treñas nga tugutan sila nga magbalik sa pagbaligya sa mga dalan sa syudad subong nga paskwa sa sulod sang 15 ka adlaw apang makapila naman ini nga wala ginpahanugutan sang alkalde.
