GUIMARAS – Nagpangayo sang bulig ang Local Government Unit sang Guimaras sa Department of Interior and Local Government nga liwat nga hatagan sang konsiderasyon ang may kaangtanan sa pagban sa mga tricycle sa mga national highways.
Sa interview sang Bombo Radyo kay Jordan Sanguniang Bayan member kag Committe on Transportation Grace Palomo, iya ginpahayag nga wala sila sang gahom sa pag amyenda ukon paghimo sang resolution for exemption sang nasambit nga layi bangud naghalin ini sa babaw.
Suno kay Palomo, mismo sila ang nabudlayan sa ginpapanaog nga memorandum sang Department of Interior and Local Government bangud pat-ud nila nga mabudalayan ang mga drivers.
Dugang sang natungdan, wala sila sang mahimo bangud nagikan na sa babaw ang nasambit nga memorandum.
Santo sa pahayag ni Palomo, nakadepende na sa DILG kun paano mahimo nga mahagan-hagan ang epekto sang nasambit nga memorandum sa mga pumuluyo ilabi na sa mga drivers.
