ILOILO CITY – Dismayado ang Panay Electric Company sa nangin aktwasyon sang More Electric and Power Corporation sa ginpatigayon nga committee hearing sa Iloilo City Council.
Sa interview sang Bombo Radyo kay Mr. Mikel Afzelius, Corporate Communication Officer sang Panay Electric Company, iya ginpahayag nga wala nila nagustuhan nga wala ginsapak ni Mr. Roel Castro, Presidente sang MORE Power ang mga pamangkot kag argumento sang PECO.
Suno kay Castro, pinolosopo ang nangin sabat ni Castro nga kaangay nga wala sini ginpamatian ang rekomendasyon sang Panay Electric Company angot sa ila ginaplastar nga mga solusyon sa nagakatabo nga power interruptions sa Syudad sang Iloilo.
Pahayag pa ni Afzelius, ang mga kapalpakan sang MORE Power ang resulta sang gindali-dali nga pagtak-over sang MORE Power sa mga pasilidad sang Panay Electric Company apang suno kay Afzelius, ginapabungol-bungolan lang sang bag-o nga power distributor ang mga rekomendasyon sang Panay Electric Company ilabi na ang natuhoy sa ginpatigayon nga preventive maintenance nga nangin kabangdanan sang masobra sa tunga sa adlaw nga brown-out sa Mandurriao sang damlag lang.
