Nagkalamatay nga sapat sa Guimaras bangud sa pag-atake sang wild dogs, nadugangan pa

ILOILO CITY – Nagakahangawa ang mga pumuluyo sang Barangay Tastasan, Buenavista, Guimaras sa nagadamo nga kasapatan nga nagkalamatay matapos ginbiktima sang ginapahayag apat ka nagalagaw nga layaw nga ido.
Suno kay Punong Barangay Ricardo Gabales sang Tastasan, naglab-ot na sa 16 ka pato, 21 ka magagmay nga mga kanding kag duha ka tinday sang baka ang ginpatay sang sapat sa diin lunsay li-og ang pilas sang mga nagkalamatay nga hinuptanan.
Nagpangayo na sang bulig sa municipal government sang Buenavista si Punong Barangay Gabales kag gilayon man nga ginparondahan sa mga pulis kag mga tanod ang barangay.