Lunsay nagnubo ang net trust ratings nanday President Ferdinand “Bongbong” Marcos Jr. kag Vice President Sara Duterte base sa latest commissioned survey nga ginpatigayon sang Social Weather Stations (SWS).
Suno sa survey nga gin-komisyon sang Stratbase Consultancy, halin sa 33% nga trust rating sang presidente sang Septyembre, nagnubo ini sa 29% sang Disyembre.
Base pa diri, 98% ang nakakilala kay Marcos; 54% ang nagasiling nga may salig sila; 19% ang indi maka-desisyon; kag 25% ang may gamay lamang nga salig sa iya.
Sa pihak nga bahin, nagnubo man sang sais porsyento ang trust rating ni Sara halin sa 29% sang Septyembre kag 23% na lamang sa Disyembre.
Suno sa poll, 98% ang nakakilala kay Sara; 52% ang nagasiling nga may salig sila; 17 ang indi maka-desisyon; kag 29% ang may gamay lamang nga salig sa iya.
Gin-conduct ang survey halin sang December 12 to 18,2024 paagi sa face-to-face interviews sa 2,160 adults nga 18-anyos pasaka ang edad. Ang sampling error margins amo ang ±2% sa national percentages, ±3% sa Balance Luzon, kag ±5% para sa Metro Manila, Visayas, kag Mindanao.
