Ginpahalugan sang Land Transportation Office (LTO) ang implementasyon sini sang “no registration, no travel” policy para sa nabilin nga bahin sang Disyembre.
Sa ngalan sang “Yuletide season”, nagpahayag si LTO chief Vigor Mendoza II sa tanan nga enforcers sang ahensya nga paandaman lamang ang mga drivers nga nagadala sang indi rehistrado nga motor vehicles.
Suno kay Mendoza, tion subong sang selebrasyon kag ind man nila gusto nga ang LTO ang maghatag sang stress sa mga motorista.
Apang ginklaro sini nga “wala sang forever” sa ila nga pagpa-relax sang ila nga mga pagsulundan bangud pagkatapos sang New Year celebration, balik naman sa nakaandan nga istrikto nga pagsulundan sa dalan.
Nagpanugyan man ang ahensya sa mga tag-iya sang salakyan nga indi pa rehistrado nga magpain sang kuwarta halin sang ila nga 13th month pay ukon bonus para maka-renew na sang ila nga registration.
Nahibaluan nga 24.7 million ukon 65% sang motor vehicles sa pungsod ang natumod nga delinquent ukon napaslawan ang tag-iya nga mag-renew sang iya nga rehistrasyon. #
