Madasig ang pagbaskog ni Typhoon Uwan sa nagligad nga 24 oras samtang nga yara ini sa Philippine Sea sa nasidlangan sang Eastern Visayas.
Sa 11:00 a.m. weather bulletin subong nga Sabado, Nobyembre 8, nakabutang nga nakit-an ang mata sang bagyo sa 680 km nasidlangan sang Borongan City, Eastern Samar ukon 760 km nasidlangan sang Catarman, Northern Samar.
May dala ini nga kabaskugon sang hangin nga tubtub sa 140 km/h malapit sa sentro kag pagmadlos nga tubtub sa 170 km/h.
Pa-nakatundan ang hulag sini sa kadasigon nga 35 km/h.
Nagapabilin naman sa Wind Signal No. 1 ang masunod nga mga lugar sa Western Visayas:
- northern and central portions of Iloilo (Carles, Estancia, Balasan, San Dionisio, Concepcion, Batad, Sara, Ajuy, Barotac Viejo, San Rafael, Lemery, Lambunao, Calinog, Bingawan, City of Passi, San Enrique, Anilao, Banate, Dingle, Dueñas, Janiuay, Badiangan, Mina, Pototan, Barotac Nuevo, Maasin, Cabatuan, New Lucena, Santa Barbara, Zarraga, Dumangas, Leon, Alimodian), Capiz, Aklan, northern and central portions of Antique (Pandan, Libertad, Sebaste, Culasi, Valderrama, Tibiao, Barbaza, Laua-An, Bugasong, Patnongon, San Remigio) lakip na ang Caluya Islands
Sa idalom sini nga wind signal number, may warning lead time nga 36 oras.
Magahulag si Uwan pa-nakatundan naaminhan-nakatundan subong tubtub buwas antes ini magliso pa-naaminhan nakatundan sa Lunes.
Sa track forecast, magalabay ang mata sang bagyo sa Catanduanes buwas sa aga kag mag-landfall sa southern portion sang Isabela ukon sa northern portion sang Aurora buwas sa gab-i ukon Lunes sang kaagahon.
Nagataas man ang posibilidad nga may gamay nga southward shift sa potensyal nga agyan sang bagyo nga mahimo mag-resulta sa pag-igu sini direkta (i.e., eyewall affecting the area without making landfall) ukon landfall scenario sa Catanduanes.
“After landfall, UWAN will traverse the mountainous terrain of Northern Luzon and emerge over Lingayen Gulf or the coastal waters of Pangasinan or La Union on Monday morning or afternoon,” suno sa we.
Mahimo ini maglab-ot sa kategorya nga super typhoon karon sa gab-i ukon buwas.#
