ILOILO CITY – Indi magnubo sa 50 ka mga tawo ang nagkalamatay sa central Myanmar sa military air strike kadungan sang event nga gintanbungan sang mga nagapamatuk sa gobyerno.
Suno sa report, ang numero sang mga nagkalamatay ang ginabanta 50 tubtob 100 lakip na ang mga civilians.
Nahibaluan nga ang kinagamo sa Myanmar ang nag-ibwal humalin sang nagsugod ang 2021 coup kun sa diin, ang pagpang-atake sang ethnic minority armies kag ang lapnagon nga protesta batuk sa pamunuan sang militar ang nagresulta sa air strikes.
Suno sa United Nations, indi magnubo sa 1.2 million ka mga tawo ang nawad-an sang panimalay bangud sa sitwasyon.
