ILOILO – Naglab-ot na sa 28 ka kaso sang ginapahayag ‘vote buying’ ang nabaton sang Iloilo Police Provincial Office (IPPO).
Suno kay IPPO Director Police Col. Marlon Tayaba, naghalin ang impormasyon sa 1st, 3rd, 4th kag 5th district sa probinsya sang Iloilo umpisa sang Mayo 6 tubtob Mayo 9.
Ginpahayag ni Tayaba nga gilayon nga nagahulag ang ‘striking force’ sang IPPO apang indi gid madakpan sa aktu ang nagapamakal sang boto.
Bangud sini, gin-engganyo ni Tayaba ang pumuluyo nga mag-report sa ila text hotline kun may nahibaluan nga ‘vote buying’ kag iban pa nga election-related incidents.
Ang mga impormasyon ang mahimo nga ipadala sa hotline numbers sang IPPO nga 09995298131 kag 09985986190.
