ILOILO CITY- Ginkumpirma ni Mayor Jerry Treñas nga may miyembro sang Board of Directors sang Iloilo City Government Multi Purpose Cooperative nga nagbayad sang ₱1.2 Million pesos sa loan sini sa kooperatiba.
Sa interview sang Bombo Radyo kay Mayor Treñas, iya ginpahayag nga seryoso ang syudad agud masukot ang tanan nga may utang bangud nga kwarta ini sang mga empleyado.
Nagpasalig ang alkalde nga handa ang Iloilo City Government magpasaka sang kaso sa mga Board of Directors nga wala makabayad sang ila nga utang.
Paathag ni Treñas, i-check man ang tagsa nila ka promissory notes kag mga talamdan nga mangin basehan naman sang pagdagdag sang penalties kag charges kun indi sila makabayad.
Gin-ako naman sang natungdan nga nakibot man siya nga may yara sang tripartite agreement nga napirmahan sadto ang siyudad kaupod ang kooperatiba.
Gintuad naman sini nga may ara man gani nga abogado nga indi miyembro sang kooperatiba ang nag-invest man sang kwarta.
