Ginpasalig ni President Ferdinand Marcos Jr. nga ginahimo sang administrasyon ang masarangan sini agud matuman ang iya ginpromisa sang kampanya nga panubuon sa P20 ang presyo sang kada kilo sang bugas.
Sa iya speech sa nationwide launch sang Kadiwa ng Pangulo program, Hulyo 17, gin-ako sang presidente nga wala pa natuman ang amo nga promisa apang ginahimo niya ang tanan.
“Iyong ating hangarin na 20 pesos na bigas [kada kilo] eh wala pa tayo roon, pero ginagawa natin ang lahat,” pahayag ni Marcos.
Halin sang nagpungko bilang presidente sang nagligad nga tuig, matandaan nga sulit-sulit sini nga ginpahayag nga malapit na lang malab-ot ang amo nga promisa apisar pa may mga grupo sang mga mangunguma nga nagasiling nga imposible ini nga malab-ot.
Nahibaluan nga yara kahapon si Marcos sa San Fernando City, Pampanga agud pangunahan ang nationwide launch sang Kadiwa ng Pangulo program. Suno sa Malacañang, 81 ka mga probinsya sa Pilipinas ang nag-upod sa simultaneous launch kag nagbukas man sang Kadiwa centers sa ila nga localities.#
