ILOILO CITY – Mahatagan sang oportunidad nga makatrabaho ang mga ginikanan sa tion nga magbalik na sa mga eskwelahan ang mga kabataan subong nga bulan.
Sa weekly vlog ni President Ferdinand Marcos, Jr., iya ginpahayag nga bangud sini, madugangan ang workforce sang pungsod.
Madamo naman suno sa iya ang sahi sang trabaho nga mahimo pilian sang mga ginikanan kag indi lamang naka-limit sa online jobs.
Sa tion nga ini ang mangin madinalag-on, ini ang indi lamang balik eskwela kundi balik negosyo naman, balik trabaho kag magabalik naman ang kauswagan.
Ang klase sa basic education ang magasugod sa Agosto 22 kag magatakop sa Hulyo 7, 2023 suno sa Department of Education (DepEd).
Tubtob sa bulan sang Oktubre, pahanugutan ang blended learning schedule kag fully online education apang sa Nobyembre 2, ang tanan nga pampubliko kag pribado nga eskwelahan sa pungsod ang dapat nga magbalik sa lima ka adlaw nga in-person classes.
Ginpahayag man ni Marcos nga ang pagbukas na sang klase ang makabenepisyo man sa iban nga sector.
Bangud nga ang mga estudyante ang maga-commute pakadto sa eskwelahan, ang transportation sector ang makabenepisyo.
Ang mga public vehicles ang dapat nga mangin handa sa pagpatuman sang minimum safety standards.
