ILOILO – Ginaduso ni 2nd District Board Member June Mondejar ang pagbutang sang mga guardrails sa pila ka mga dalanon sa probinsya sang Iloilo.
Sa iya nga privilege speech sa Sangguniang Panlalawigan iya ginpahayag nga ang pagbutang sang mga guardrails sa mga dalanon sa probinsya ilabi na sa mga indi tapan nga dalan ang isa ka lihok agud malikawan ang mga insidente.
Kaangot diri nagpagwa sang duha ka resolusyon si Mondejar nga naga mandu sa Provinical Engineers Office nga iprioritize ang pagpahamtang sang mga guardrails sa kilid sang mga delikado nga porsyon sang provincial road sa Brgy.Carolina ukon Brgy.Samlague sa banwa sang Leon,Iloilo.
Ikaduha nga resolusyon amo ang nagamandu man sa Provincial Engineers Officer nga ilakip ang guardrails sa ila nga concreting ukon rehabilitation plans sa mga provincial roads nga may yara sang delikido nga parte.
Suno kay Mondejar, nagakadapat lang nga gilayon nga hatagan sang nagaka-igo nga tikang ang nasambit nga isyu bangud nakabutang sa peligro ang kabuhi sang mga motorista nga naga agi sa mga nasambit nga dalan.
