Indi mag-require ang Department of Education (DepEd) sa mga estudyante sa pampubliko nga mga eskwelahan nga magsuksok sang uniporme.
Suno kay Vice President kag DepEd Secretary Sara Duterte-Carpio, katuyuan sini nga tikang nga mapahagan-hagan ang gasto sang mga pamilya kag sa ila nga mga ginapa-eskwela.
“The wearing of a school uniform shall not be required in public schools. Students with existing uniforms may continue using these uniforms, if they so desire, to avoid incurring additional costs for new attire,” suno sa bise-presidente.
Magaumpisa ang klase sa school year 2022-2023 sa Agusto 22.
Halin sa amo nga petsa, ipatuman ang combined in-person classes kag distance learning, samtang sa Nobyembre 2 naman maga-umpisa ang full resumption sang face-to-face classes. ##
(Photo: Wikimedia Commons Photo)
