ILOILO CITY – Nagaduda ang pamilya sang 15 anyos nga dalagita sa Barangay Tanza-Esperanza, Iloilo City Proper nga posible nga may foul play sa likod sang ginapahayag paghikog sini sang Domingo, Mayo 23.
Sa interview sang Bombo Radyo kay Punong Barangay Wilbur Orada, iya ginpahayag nga sang nakit-an ang biktima, nagabitay na ini kag wala na sang kabuhi.
Ginapahayag nga wala sang underwear ang dalagita sang natabo ang ginaalegar suicide incident.
Ang nakakita sa biktima amo ang iya manghod nga 13 anyos nga may special needs.
Labi man ini nga katingalahan suno kay Orada bangud mismo ang manghod ang may pilas man sa ulo kag padayon pa subong nga ginabulong sa ospital.
Santo sa pahayag sang doktor, may 11 ka gagmay nga pilas sa ulo ang 13 anyos nga manghod sang biktima.
Indi man ini mapamangkot sang mga pulis bangud wala ini nagahambal.
Apang may mga pahayag man suno kay Orada nga antes pa man napatay ang dalagita, nakamuno man ini nga manginmatay na lang.
Nagatrabaho bilang domestic helper sa luwas sang pungsod ang iloy sang dalagita kag preso ang amay bangud sa ginapahayag kaangtanan sa iligal nga droga.
