ILOILO – Pangamuyo ang ginahingyo sang pamilya sang Ilonggo nurse sa Dubai nga nagpositibo sa Coronavirus Disease 2019 (COVID-19).
Sa interview sang Bombo Radyo kay Heide Jimenez, iloy sang biktima iya ginpahayag nga una na nga nagreklamo sa iya ang iya bata nga nagsugod ini nga mabudlayan sang pagginhawa nga daw kaangay nga ginakuga sya.
Suno kay Jimenez, matapos ang pila ka adlaw ginsulod na ini sa Intensive Care Unit bangud natukiban nga nagpositibo sya sa COVID-19.
Dugang sang natungdan, wala sila naghaom-haom nga matapikan sang nasambit nga virus ang iya bata bangud nagsalig sila nga bastante ini sa vitamins.
Santo sa pahayag ni Jimenez, ginapaidalom man sa testing ang iya asawa kag bata apang nagnegatibo ini kag nakapauli na.
Padayon sila nga nagalaum nga may yara sang matabo nga milagro kag mag ayo na ang iya bata bangud nabudlayan naman sila sa sitwasyon kag tuman ang ila pagkabalaka sa posibilidad nga indi na niya makita ang iya bata sa ulihi nga inadlaw sini.
