Ginpasa na sang Philippine Charity Sweepstakes Office (PCSO) sa Senado ang lista sang pangalan sang mga nagdaog sa lotto halin sang Hulyo 2023 tubtub Enero 2024.
Ini kasunod sang request ni Senator Raffy Tulfo, chairman sang Senate Games and Amusement Committee, nga dal-on ang lista sang winners, dokumento sa lotto games, kag mga tax records sang jackpot winners.
Magluwas sa lista sang mga tagdaog, nagpasa man ang PCSO sang “alpha list” ukon ang rekord sang buwis nga ginbayaran sang jackpot winners halin sang July 1,2023 tubtub sang December 2023.
Nagpasalig man si Tulfo nga kabigon sang Senado nga confidential ang mga dokumento kag gamiton gid lamang para sa panel review sang senado.
Nahibaluan nga gina-imbestigaran sang Senate committee ang PCSO games sa tunga sang alegasyon nga may “manipulation”.
Gina-kwestyon man sang mga senador kun ngaa masami nga may nagadaog kag dalagku pa kaayo ang jackpot prizes.
Ini ang magluwas pa sa naglupok nga kontrobersiya sang Enero kun sa diin edited ang picture sang winner nga gin-post sang PCS — butang nga gin-ako man sang ila general manager kadungan sang hearing sa Senado sa rason nga gusto nila nga proteksyunan ang privacy sang tagdaog.#
