Isa na lang sa anum ka mga tiglawas sang Pilipinas ang may tyansa pa nga makabulsa sang medalya sa 17th Paralympic Games nga ginapatigayon sa Paris, France.
Ini amo ang para javelin thrower nga si Cendy Asusano nga amo ang “last Filipino athlete standing”.
Maga-compete siya alas kuatro karon sa hapon oras sa Pilipinas para sa finals sang women’s javelin throw F54 event.
Tumandok si Asusano sang Donsol, Sorsogon kag naka-qualify para sa iya una nga Paralympic Games sang nakalab-ot ang iya record sa 14.23 meters kag nagpang-apat anay sa 2023 Hangzhou Asian Para Games sa China.
Antes kay Asusano, nag-compete pa kagab-i ang para swimmer nga si Angel Otom sang Olongapo City apang napaslawan liwat nga makakuha sang medalya.
Nagpang-lima si Otom sa women’s 50m butterfly S5 sang nagdangat sa 45.78 seconds ang iya time sa karera nga gindaog naman sang powerhouse nga China.
Ang 21-anyos nga si Otom ang nabun-ag nga wala sang wala nga butkon kag underdeveloped man ang tuo nga butkon.
Isa siya ka seven-time gold medalist sa ASEAN Para Games kag apisar debut niya ini sa Paralympics, duha ka finals ang iya napasakupan kun sa diin nagpang-anum siya sa women’s 50m backstroke S5 sang nagligad nga adlaw.
