ILOILO CITY- Nagsaka pa sa 33 ang numero sang mga napatay sa nag-collapse nga building sa South African city sang George.
Ini sa tunga sang nagapadayon nga search and retrieval operation sa 19 ka mga tawo nga nagpabilin nga missing sa sulod na sang masobra isa ka semana humalin sang nalumpag ang building.
Suno sa mga otoridad, anom lamang sa mga napatay sa construction site ang napang-identify.
Tubtob subong, indi pa maathag kun ngaa nag- collapse ang lima ka panalgan nga building.
Ginapatihan nga mga migrants halin sa southern African countries nga Malawi kag Zimbabwe amo ang nagatrabaho sa construction site.
Nagapadayon naman ang imbestigasyon sa insidente.
