Ginalantaw sang inter-agency committee kag sang National Bureau of Investigation (NBI) nga posible may mga opisyal sa Philippine Coast Guard (PCG) kag sa Maritime Industry Authority (MARINA) nga naghimbon agud mapahanugutan ang MT Princess Empress nga maglayag sa dagat apisar indi lisensyado.
Ang amo nga motor tanker amo ang may karga nga 800,000 nga litro sang industrial fuel, naglugdang sa Oriental Mindoro, kag nagtuga sang oil spill mangin sa Antique kag Palawan.
Suno kay DOJ spokesperson Mico Clavano, nag-apply ang kumpaniya nga RDC Reield Marine Services para sa amendment sang ila nga Certificate of Public Convenience agud nga ma-include ang motor tanker sang November 2022.
Apang ang amo nga CPC ang wala pa na-isyu bangud may yara sang kulang nga mga dokumento.
Bangud sini, may nakit-an nga maathag nga kapabayaan sa bahin sang duha ka ahensya.
Una na nga ginpahayag ni Justice Secretary Boying Remulla nga nagbutig ang Princess Empress sa una nga statement, bangud base sa natukiban sang DOJ, indi ini brand-new kag gin-rebuild lang halin sa scrap agud mahimo nga motor tanker.
