ILOILO CITY- Padayon ang validation sang Philippine Drug Enforcement Agency Region 6 sa mga elected officials nga ginaalegar involved sa illegal drug trade.
Sa interview sang Bombo Radyo kay Atty. Bomrad Soc Abonado, spokesperson sang Philippine Drug Enforcement Agency Region 6, iya ginpahayag nga kabahin ini sang ila pagtinguha nga mapapas ang iligal nga druga kag masikop ang mga durugista, dalagko man ukon magagmay ang mga ini.
Suno kay Abonado, padayon man ang intelligence sharing upod sa iban nga law enforcement agencies.
Gin-ako naman niya nga pagpanghangkat para sa ila nga limitado lamang ang ila personnel apang ginapasiguro sang ahensya nga nagabulig sila paagi sa mga joint operations upod sa Philippine National Police.
