ILOILO CITY- Ginpasiguro sang Philippine Navy nga wala sang ano man nga matabo sa tunga sang labi pa nga pagpanghanda sang otoridad sa pamahog sang China nga arestuhon ang mga “trespassers” sa West Philippine Sea.
Suno kay Navy spokesperson for the West Philippine Sea Commodore Roy Vincent Trinidad, mas ginpasangkad pa nila ang patrols sa maritime area kag ginpahibalo man ini sa security partners kag mga allies.
Pahayag niya, ang tikang sang Philippine Navy, the Armed Forces, the Coast Guard, BFAR (Bureau of Fisheries and Aquatic Resources), kag iban nga maritime players sang gobyerno amo nga malikawan ang amo nga sitwasyon.
Nahibaluan nga ang kontrobersiyal nga regulasyon sang China ang epektibo na subong nga bulan kun sa diin i-detain ang China Coast Guard ang mga trespassers sa sulod sang tubtob 60 ka adlaw.
Una na ginpahayag ni President Ferdinand ”Bongbong” Marcos Jr. nga ang tikang sang China ang indi gid mabaton sang Pilipinas kag himuon sang gobyerno ang tanan agud protektahan ang mga pumuluyo sini.
Ginpahayag naman ni Defense Secretary Gilberto Teodoro Jr., nga ang direktiba sang China ang isa ka probokasyon kag paglapas sa United Nations charter.
