Ginbaha bangud sa mabaskog nga pag-ulan ang northern parts sang Kingdom of Saudi Arabia nga nagresulta sa road closures kag kanselasyon sang klase sa mga eskwelahan.
May nagluntad nga flash floods sa probinsiya sang Al-Ula kag Al-Madinah, nga ang puluy-an sang Al-Masjid Al-Nabawi,ang ikaduha nga holiest site sang Islam kag amo ang lugar kun sa diin ginlubong ang Propeta nga si Muhammad.
Ini natabo pila ka adlaw matapos gin-igo man sang flash floods ang kaiping nga United Arab Emirates kag Oman.
Sang Nobyembre 2022, gin – igo man ang Saudi Arabia sang coastal flooding bilang result sang mamunog nga ulan nga naghalit gid sa syudad sang Jeddah kun sa diin duha ka tawo ang patay.
Ang pagbaha sa Jeddah ang naangot sa kakulang sa drainage system sa lugar.
