ILOILO – Ginatinghuaan sang pila ka mga barangay nga napaslawan sa ginpatigayon nga validation sa Oplan Hawan sang Department of Interior and Local Government nga mapasaran ang ika duha nga hugnat sang validation.
Sa interview sang Bombo Radyo kay Punong Barangay Shiela Doza ang sang Brgy. Ortiz, Iloilo City Proper iya ginpahayag nga aminado sila nga madamo sa gihapon sang mga wala pasaway nga pumuluyo sa ila barangay kaangay nalang sang mga naga ilegal parking sang ila mga salakyan nga isa sa mga rason kun ngaa wala sila nakapasar sa Oplan Hawan.
Suno kay Doza, sila na mismo subong kaupod ang iban pa nga opisyal sang barangay ang magapatigayon sang lihok agud masiguro nga mapasar na sila sa ika duha nga hugnat sang validation bangud indi man nila luyag magpangatubang sang silot ilabi na nga mahimo mapasakaan sila sang kaso kun mapaslawan ang ila barangay nga magsunod sa Oplan Hawan.
