ILOILO CITY – Nagpasalig ang Pilipinas nga magasunod sa One-China policy kasunod sang nagataas nga tensyon sa Taiwan Strait matapos ang kontrobersyal nga pagbisita ni US House Speaker Nancy Pelosi sa Taipei subong nga tuig.
Sa statement sang Department of Foreign Affairs (DFA), nagakabalaka ang pungsod sa nagataas nga tensyon sa Taiwan Strait nga tuman ka lapit sa Pilipinas.
Nagpanawagan man ini sa duha ka bahin nga mag-untat na kag pasulabihon ang diplomasiya kag ang dayalogo.
Una naman nga nagpahayag si Press Secretary Atty. Trixie Cruz-Angeles nga wala nagbag-o ang posisyon sang pungsod sa One-China principle.
Ang statement sang pungsod ang ginpagwa kasunod sang paandam ni Chinese Ambassador Huang Xilian nga dapat nga mag-sunod ang pungsod sa amo nga polisa.
Ang Pilipinas ang wala sang diplomatic ties sa Taiwan apang may yara sang de facto embassy sa amo nga pungsod nga ginatawag nga Manila Economic and Cultural Office (MECO).
May yara sang 115,000 nga mga Pilipino sa Taiwan kun sa diin ang kalabanan sa ila ang nagatrabaho sa mga factories.
