Gibuyagyag ni former President Rodrigo Duterte nga indi pagpalampason pati ang Pilipinas kun pahanugutan sini ang Amerika nga maggamit sang ila military installations sa pungsod agud mag-atake sa China.
Suno kay Duterte, mismo si Chinese Ambassador Huang Xilian ang nagsugid sini sa iya sa ila nga katapusan nga pagsinapol.
Ginpahayag ni Duterte nga nagsabat siya kay Huang nga wala man sang away ang China kag Pilipinas; apang nagpahayag si Huang nga bisan maghatag lang ang Pilipinas sang lugar sa Amerika kun sa diin mahimo sila maka-initiate sang atake, himuon man sang China nga target ang pungsod.
Ang ginatumod sang ambassador amo ang Enhanced Defense Cooperation Agreement (EDCA) sites.
Sa idalom sang EDCA, ginapahanugutan sang gobyerno ang US forces nga maglibot sa Philippine military bases kag magtipon sang defense equipment kag supplies.
Suno kay Duterte, may yara na sang 17 potential EDCA sites sa bilog nga pungsod, kag nagpaandam man ini nga posible maka-atake ang US halin sa sini nga mga site.
