Nakakuha ang Pilipinas sang 2.5 bilyon U.S dollar ukon ginabulubanta P153.4 bilyon nga investment commitments halin sa mga kumpanya sa Canada.
Ini matapos ang opisyal nga pagbisita ni President Ferdinand Marcos Jr. sa nasambit nga pungsod.
Suno sa Presidente, ang mga investors magatutok sa mga sektor sang pagmina, critical minerals, enerhiya, kag information technology-business process management.
Gintalakay man ang plano nga magtukod sang artificial intelligence (AI) hubs kag learning centers sa Pilipinas.
Dugang pa ni Marcos nga ginapa-uswag man sang Pilipinas ang negosasyon para sa ASEAN-Canada Free Trade Agreement agud mas mapabakod pa ang relasyon sa ekonomiya sang Pilipinas kag Canada.
