ILOILO CITY- Natalana nga ilunsyar sa Dubai, United Arab Emirates ang pinakauna nga flying taxi sa kalibutan nga maga-cater sa mga pasahero.
Suno kay Bombo Chris Daymon, international correspondent sa Dubai, ini nga eVTOL aircraft ang gin-develop sang United States-based company nga Joby Aviation.
Pahayag ni Daymon, sa pagsugod sang operasyon sa 2025, limitahan lamang ini sa mga opisyal sang gobyerno apang pag-abot sang 2026, ini ang mangin available na sa publiko.
Paagi sa flying taxi, ang malapit tunga sa oras nga byahe halin sa Dubai pakadto sa Abu Dhabi, ang mangin 30 minutos na lamang.
Nahibaluan nga Pebrero sang gin-anunsyo sang Aviation ang pagpirma sang agreement sa Road and Transport Authority sang Dubai agud maglunsar sang air taxi services sa Emirate.
