ILOILO – Pahanugutan sang Philippine National Police ang pagsugal sa mga namatyan basta indi lang sobra-sobra.
Sa interview sang Bombo Radyo kay Philippine National Police Chief Police Gen. Archie Gamboa, pahanugutan lang ang pasugal sa namatyan kun ini ang indi magsobra sa isa ka lamesa kada hampang.
Suno kay Gamboa, kabigon ini nga illegal sa tion nga magsobra ini sa isa ka lamesa kag magapangatubang sang nagaka-igo nga silot ang tanan nga nagpakigbahin.
Ginpahayag ni Gamboa nga luyag niya nga sapulon ang iban nga ahensya sang gobyerno agud maplastar sang maayo ang nasambit nga pagsulundan nga mahimo ipatuman.
