ILOILO CITY – Nagpakigkita sanday United States President Joe Biden kag Vice President Kamala Harris sa tatlo ka Tennessee lawmakers, lakip na ang Filipino-American nga si Justin Jones, nga subject sa expulsion votes sa state House of Representatives.
Sa Twitter, ginpakigbahin sang presidente ang picture nga nagapakita sang iya virtual meeting upod kay Jones, Reps. Gloria Johnson kag Justin Pearson, nga may caption nga nagasiling nga kinahanglan sang pungsod ang tikang sa gun-violence, ang dugang nga tingog agud nga magpalayag.
Ang “Tennessee Three”, nga lunsay mga Democrats, ang ginduso nga pahalinon sang ila Republican colleagues bangud sa gina-alegar nga “disorderly behavior” sang nagpasakup ang mga ini sa isa ka protesta para sa mas strikto nga gun laws.
Sanday Jones kag Pearson ang ginpahalin samtang si Johnson ang naka-survive sa proseso.
Ginpahayag man sang presidente nga ginpasalamatan niya ang tatlo bangud sa ila kaisog agud nga atubangon ang hayagan nga pagpangbalewala sa democratic values sang pungsod.
Ginkakibot man sang presidente ang natabo kag gintawag nga “undemocratic” kag “without precedent”.
Nagpasalamat naman si Johnson kay Biden sa suporta nga ginhatag sa ila.
Samtang, nagpakigkita man si Vice President Harris sa tatlo sa Fisk University, sa isa ka community event sa Memorial Chapel.
Ginlaragway niya ang expulsion bilang “undemocratic and dangerous.”
Samtang, mangin si former President Barack Obama ang nagpahayag man sang pagkadismaya sa natabo.
Suno sa iya, ang pagpahipos sa mga wala nagapamatuk ang isa ka patimaan sang kaluya kag indi makaresulta sa progreso.
Dugang pa niya, wala dapat sang elected official nga madulaan sang trabaho bangud lamang sang pagpalayag sang ila nga hibubun-ot ilabi pa kun ginhimo nila ini para sa mga kabataan.
