Magapadayon ang trabaho ni Presidente Rodrigo Duterte apisar nga nakaupod niya si Department of Health Sec. Francisco Duque III nga naka self-quarantine subong bangud na exposed sa isa ka senior health official nga nagpositibo sa COVID-19.
Sa pagkamatuod suno kay Sen. Bong Go, ginsapol pa sang presidente ang mga miyembro sang Inter-Agency Task Force on the Management of the Emerging Infectious Diseases, Finance managers kag Military Corps.
Suno pa kay Go, ginalauman nga may yara sang dugang pa nga mga pagsulundan nga ipatuman sang gobyerno may kaangtanan sa enhanced community quarantine sa Luzon.
Sa pihak sini, ginpahayag sang natungdan nga hugot nga gina monitor sang doktor sang presidente ang iya nga ikaayong lawas bilang kabahin sang precautionary preventive measures batok sa COVID-19.
Nagpasalig naman ang Malacañang nga sa subong maayo pa ang kondisyon sang ikaayong lawas sang presidente.
