Nagnegatibo si Presidente Rodrigo Duterte sa Coronavirus Disease 2019 matapos nga magpaidalom sya sa testing kaupod si Sen. Bong Go nga nag negatibo man sa nasambit nga balatian.
Nagpasalig si Go nga yara sa maayo nga kondisyon ang ikaayong lawas sang Presidente kag handa siya nga magserbisyo sa publiko.
Madumduman nga ginkansela naman ni Presidente Duterte ang iya nga naka schedule kun tani nga pagbisita sa Boracay Island agud magpatigayon sang inspection.
Nahibaluan nga nagpaidalom naman sa self quarantine ang pila ka mga opisyal sa Malacañang matapos nga maka close contact ang isa ka nagpositibo sa COVID-19.
Lakip sa nagpaidalom sa self-quarantine amo si Presidential Spokesperson Salvador Panelo, Executive Secretary Salvador Medialdea, Departmant of Transportation Secretary Arthur Tugade, Department of Budget and Management Secretary Wendel Avisado kag Department of Finance Secretary Carlos Dominguez.
