ILOILO CITY- Nagpahanumdom ang Regional Director sang Police Regional Office 6 sa tanan nga mga katapo sang organisasyon sang Philippine National Police nga mangin agresibo kag tampad sa serbisyo.
Sa mensahe ni PBGen Sidney Villaflor kadungan sang iya pagbisita sa Guimaras Police Provincial Office, ginpahangop niya sa mga kapulisan nga wala sang rason agud nga magtinamad bangud nga mas mataas ang ila ginabaton nga sweldo.
Suno kay Villaflor,wala naman sang lugar ang pag-recycle sang mga accomplishments kag kinahanglan gid nga mangin transparent.
Dugang niya, nagligad naa man ang sistema madamo sang buhin kun may pondo nga ginapapanaog sa mga local police offices bangud sa subong, pat-ud nga kompleto na ini nga nagaabot kag wala sang buhin.
