ILOILO CITY- Padayon pa nga ginaimbestigaran sang pamunuan sang Police Regional Office 6 ang impormasyon natuhoy sa mga pulis nga involved sa illegal quarry.
Sa interview sang Bombo Radyo kay Police Brigadier General Jack Wanky, iya ginpahayag nga ang nakalab-ot sa iya nga impormasyon amo nga may mga pulis nga nagaserbe nga protector sang mga illegal quarry operators.
Suno kay Wanky, sa subong, wala pa man sang na-report nga personnel nga naga- operate gid sang illegal quarry.
Pahayag sang Regional Director, ginmando na niya kay Iloilo Police Provincial Office Director Police Colonel Ronaldo Palomo nga tumuron ang mga police personnel nga protector sang amo nga iligal nga buluhaton.
Ginmando man sini sa Regional Intelligence Division nga makig-angot sa Provincial Environment and Natural Resources Office (PENRO) agud nga mas mapadasig ang imbestigasyon.
