ILOILO – Nakahanda na ang Police Regional Office 6 agud siguraduhon ang katawhay sa bilog nga probinsya sang Iloilo sa pagsaulog sang paskwa kag bag-o nga tuig.
Sa interview sang Bombo Radyo kay Pol Lt Col Joem Malong, tagapamaba sang Police Regional Office 6 iya ginpahayag nga maga umpisa ang deployment sang mga kapulisan sa ila tagsa ka mga areas kadungan sang pag sugod man sang simbang gabi.
Suno kay Malong, naka deploy ang mga kapulisan sa mga masunod nga areas sa bilog nga rehiyon.
Community Fire cracker zone kun sa diin may yara sang 355 ka mga personnels, Fire Cracker display zone 306, Assistance hub 464, simbahan 665, malls 231, bus termnial 208, road safety marshalls 453, sea ports 62, airports 8 kag anti criminality 1,059 sa kabilugan 6,160 tanan ang mga naka deploy nga personnels sa mga nasambit nga mga lugar.
Dugang sang natungdan, nalakip man diri ang 12,917 ka mga Force Multipliers nga amo ang mga barangay tanod kag mga volunteers.
Samtang gindula na sang PRO 6 ang pagbutang sang plaster sa mga armas sang kapulisan subong nga paskwa kag bag-o nga tuig bangud man ini ang kinanhanglan nila sa tion sang emerhensya.
Santo sa pahayag ni Malong, target man sang mga kapulisan nga matuman ang zero christmas and new year related crime nga kaangay sang natabo sang gintalikdan nga tuig.
