Indi gid malikawan nga magreklamo ang mga pumuluyo sa ginabaton nga ayuda subong nga napaidalom sa Enhanced Community Quarantine (ECQ) ang syudad sang Iloilo.
Sa interview sang Bombo Radyo kay Punong Barangay Efren Senayo sang Don Esteban, Lapuz, Iloilo City, iya ginpahayag nga 49 lang ka food packs ang nakapain sa ila nga lugar kag kinahanglan ini nga paigu-iguon sa 800 ka mga panimalay.
Antes ini nga food packs halin sa Department of Social Welfare and Development (DSWD), may 15 na ka sako sang bugas nga nabakal gamit ang pondo sang barangay.
Suno sa natungdan, ang wala nahatagan sa una nga tagtaganay amo naman ang ginpa-avail sa masunod nga pagpanghatag sang food packs.
Naga-ayo si Senayo sa iya nga mga pumuluyo nga hangpon man ang sitwasyon kag magpasalamat na lang bangud may ayuda pa nga ginahatag ang gobyerno.
