Gin-anunsyo sang Russia kag China nga mas pabaskugon pa gid nila ang ila nga alyansa sa militar.
Kadungan ini sang pagkit-anay ni Russian President Vladimir Putin kag Chinese President Xi Jinping sa Beijing nga amo ang labing-una nga byahe ni Putin sa luwas sang pungsod halin sang naeleher ini liwat sa bag-o nga termino bilang presidente sang amo nga pungsod sa Europa.
Kasunod sang ila nga meeting kahapon, nagpungko ang duha ka lider para sa celebratory concert agud magmarka sang ika-75 nga anibersaryo sang pormal nga China-Russia relations.
Suno kay Xi, wala sang katubtuban ang pag-abyanay sang China kag Russia kag ini isa ka modelo sang bag-o nga sahi sang international relations.
Natabo ini nga duha ka adlaw nga pagbisita ni Putin sa China apisar pareho nga nagapangatubang ang duha ka pungsod sang mabug-at nga mga pagpanghangkat sa ila relasyon sa Europa kag Estados Unidos sang Amerika.#
