Suportado sang iban nga beauty queens si Miss Universe Philippines Rabiya Mateo sang nagpagwa ini sang unfiltered video kun sa diin maisog niya nga ginpakita ang wala sang make-up nga nawong.
Sa Instagram gin-post ni Rabiya ang video kun sa diin wala man siya sang suksok nga heavy extensions ukon bisan ano nga disenyo sa iya nga nawong
.Sa caption, ginpahayag sang Ilongga beauty queen nga mapintas ang kalibutan sang pageantry bangud sa pagkamatuod lang, madamo nga tawo ang nagakomento sa iya pisikal nga dagway — kaangay sang.. indi siya tuman ka tahum, tuman siya ka niwang, ukon kalain ang iya ginasuksok nga bayo.
Apang sa ginpost nga video ni Rabiya, iya ginpahayag: “No make up. No heavy hair extensions. Nothing fancy to wear. Just me. Even in my simplest form, I know in my heart I am nothing less than phenomenal.”
Lakip sa naghatag sang positive comments kay Rabiya amo si Miss Universe Australia 2020 Maria Thattil nga nagsiling indi dapat pagkahangaw-an ang comparison sa iban nga mga babaye.
Nagkomento man sang pagpalig-on sanday Miss Grand International 2020 first runner-up Samantha Bernardo kag si Miss Universe Philippines 2014 MJ Lastimosa.
Masako subong si Rabiya sa pre-pageant activities para sa 69th Miss Universe competition.
Ang coronation night ang scheduled sa Mayo 16 sa Seminole Hard Rock Hotel and Casino sa Hollywood, Florida, USA. #
