ILOILO CITY- Nagpa- Bombo ang isa ka concerned citizen matapos naobserbahan nga nag-untat ang construction works may kaangtanan sa first phase sang rectification sang Ungka FLyover.
Sa interview sang Bombo Radyo kay alyas Ron-Ron, isa ka concerned citizen, iya ginpahayag nga humalin sang nagsugod ang Dinagyang celebrations sang Enero 22, halos wala na sila sang may nakita nga nagaubra sa area.
Suno kay Ron-Ron, wala man sang nakit-an nga equipment sa lugar.
Dugang niya, sa naandan, nagaumpisa na ang trabaho sang mga workers sa las- otso pa lang sa aga, apang subong, wala na sila sang may nakita nga aktibidad.
Matandaan nga ginpahayag sang Department of Public Works and Highways nga Enero 17 sang nagsugod ang 120 nga calendar days para sa P96 million nga balor sang rectification sa tatlo ka piers sang amo nga flyover.
Ang contractor amo ang Monolithic Construction & Concrete Products, Inc. nga naka- base sa Davao.
