ILOILO CITY- Siguraduhon sang Department of Education Region 6 nga mangin talunsay kag matawhay ang pagpadulong sang delegasyon sang Western Visayas sa Palarong Pambansa nga patigayunon sa Marikina City nga magasugod sa Hulyo 25 kag magalawig tubtob Agusto 5.
Sa interview sang Bombo Radyo kay Mr. Hernani Escullar Jr.,spokesperson sang Department of Education Region 6, iya ginpahayag nga subong pa lang, ginahitso na sang Department of Education Region 6 nga wala na sang mangin problema sa billeting area para sa mga atleta.
Suno kay Escullar,importante para sa mga atleta nga mag- focus na lang sa ila tagsa ka event nga intrahan agud malab-ot sang delegasyon ang handom nga mangin overall champion sa sini nga edisyon, nga mas mataas sa third
place finish sa pre-pandemic nga Palarong Pambansa.
Nahibaluan nga sa Hulyo 23 na magabiya ang delegasyon sang Region 6 nga ginabug-usan sang 539 ka mga atleta,131 ka coaches, assistant coaches kag chaperones, kag 143 ngaa myembro sang technical working group.
