ILOILO CITY- Nanindugan si President Ferdinand Marcos Jr. nga wala nagabag-o ang relasyon sini kay Vice President Sara Duterte sa pihak sang mga tirada sang pamilya Duterte kay Marcos.
Una nga gintawag ni former President Rodrigo Duterte nga drug addict si Presidente Marcos Jr. kag ginlaragway naman si First Lady Liza Marcos bilang gutom sa poder.
Samtang, nagpanawagan naman si Davao City Mayor Sebastian Duterte kay Marcos nga mag- resign.
Suno sa presidente, maayo sa gihapon ang relasyon nila ni VP Sara bangud wala man ini sang ginbuy-an nga mga makahang nga mga tinaga batok sa iya.
Pahayag ni Marcos, magapabilin man si Duterte bilang iya nga Education Secretary.
Dugang niya, magapabilin man nga mabakod ang UniTeam sa pihak sang mga isyu.
