Nagpaandam na si House Speaker Martin Romualdez nga ipa-preso ang mga resource persons nga magabutig kag indi magkooperar sa imbestigasyon sang Kamara may kaangtanan sa ginapahayag hoarding sang agricultural products.
Buwas, Martes nga adlaw, natalana nga mag-resume ang inquiry sang House Committee on Agriculture and Food may kaangtanan sa hoarding kag nagapanglakaak nga presyo sang sini nga mga produkto.
Suno sa house speaker, kinahanglan na nga panubuon ang presyo sang bombay kag papason ang mga kartel sa labing-madali nga tion.
Pananglitan may mahibaluan suno kay Romualdez nga exploitative kag abusive nga mga indibidwal kag business owners sa likod sang mga kartel, pat-od nga presuhan ang ila nga tup-an.
Matandaan nga gin-lift sang mga myembro sang Kamara sang damlag lang ang citation for contempt batok sa tatlo ka mga opisyal sang Argo International Forwarders Inc. apisar una sila nagpamalibad mga magkooperar sa imbestigasyon.
Sang ulihi, nagpasalig sila sa panel nga maga-kooperar na sa Kamara kag magpasa sang mga dokumento nga makabulig agud maestablisar ang price manipulation sa bombay kag mag-provide sang lead agud nga matumod ang lider sang mga kartel.
Nag-isyu man sang warning si Romualdez sa mga nagatrabaho sa gobyerno apang kahimbon sa mga kartel.
Suno sa house speaker, indi makalusot sa komite ang sin-o man sa gobyerno nga nagabulig sa sini nga mga hoarders bangud makabig man sila nga gulity sa pagsuprer sang ordinaryo nga mga Pilipino. ##
