Nag-umpisa na ang Russia sa ila nga una nga stage sang military drills sa Southern Military District nga malapit sa Ukraine.
Suno sa Defense Ministry, nalakip diri ang practical training sa preparasyon kag paggamit sang non-strategic nuclear weapons.
Matandaan nga si Russian President Vladimir Putin mismo ang nagmandu subong nga Mayo nga patigayunon ang drills. Una man nga ginkumpirma sang ministry nga lakip sa first stage sang exercise amo ang Iskander kag Kinzhal missiles.
Tuyo sini nga drills nga masigurado nga ang ila units kag equipment ang handa na para sa combat use sang non-strategic nuclear weapons agud nga mapangapinan ang territorial integrity kag soberanya sang Russian state. Ginpahayag man sang ministry nga sabat man ini sa “provocative statements” kag pagpamahog sang Western officials batok sa Russian Federation.
Nahibaluan nga duha ka tuig na ang opensiba sang Russia sa Ukraine kun sa diin sulit-sulit man nga ginpahayag sang Moscow ngamay arsenal sila sang nuclear weapons kag handa sila nga gamiton ini kun may mapanimahuan ang Moscow nga existential threat.#
