May 918 pa ka active cases sang COVID-19 ang probinsya sang Iloilo.
Santo sa record sang Iloilo Provincial Health Office, 110 diri ang new cases kag isa ang panibag-o nga napatay, babaye, 80 anyos kag residente sang Igbaras, Iloilo.
As of May 25, 188 na ang ginbawian sang kabuhi sa probinsya bangud sa COVID-19.
Sa interview sang Bombo Radyo kay Iloilo Provincial Health Officer Dr. Ma. Socorro Quiñon, ‘alarming’ ang nagdugang nga 422 ka kaso sa sulod sang isa lang ka semana — mas mataas sa 328 nga narekord sang nagligad pa gid nga semana.
38 ang average nga daily case sang COVID-19 suno kay Quiñon.
Bangud sini, liwat nga nagaapelar ang health office sa publiko nga indi gid magpabuyan-buyan, magsunod sa minimum public health standards, kag magpabakuna gid batok sa COVID-19 kun makasulod man lang sa priority group sa vaccination.
