Mala-‘Paubaya’ nga kanta ni Moira dela Torre ang istorya sa kasal ni Barangay Ginebra star Scottie Thompson.
Sang New Year’s Eve, nagpropose kag na-engage si Scottie sa iya nga longtime girlfriend nga si Pau Fajardo.
Subong nga Hunyo, nakibot ang tanan sang nagpakal si Scottie.
Ang bride? Indi si Pau Fajardo.
Ginkasal siya sa isa ka flight attendant nga si Jinky Serrano sa isa ka private wedding ceremony sa Las Piñas.
Sang Hunyo 20 lang, ginkumpirma ni Scottie nga break na sila ni Pau sa sulod na sang duha ka bulan.
Suno sa iya, siya ang may sala kag batunon niya kun anuman ang mga ihaboy ni Pau batok sa iya.
Ginpangdelete man ang ila nga mga pictures sa ila social media accounts.
Walo ka tuig man nga magkarelasyon sanday Pau kag Scottie gani nangin matunog nga pamangkot kun ngaa lain nga babaye ang iya ginpakaslan.
Isa sa mga ginatudlo nga rason amo ang pagbusong sang flight attendant rason nga kinahanglan ini nga pakasalan ni Scottie.
Nagpagwa man sang statement si Kayesha Chua, fiancée sang PBA player nga si Aljon Mariano kag close friend sang ex-couple.
Suno kay Kayesha, wala gid nagpangayo si Scottie sang bulig sa ila bisan nakahibalo sila kun ano ang problema sa tunga nila ni Pau.
Wala suno sa iya sang may naka-imagine nga matabo ini sa tunga nanday Pau kag Scottie.
Sa subong, ginapangayo sa publiko nga respetuhon ang privacy sang duha kag ang ila desisyon nga mag-separar na sang ila banas.
