Gin-veto sang Russia kag China ang resolution sa United Nations Security Council (UNSC) nga nagatuyo kuntani nga proteksyunan ang commercial shipping ukon ang mga barko nga nagalabay sa Strait of Hormuz.
Ginduso sang Bahrain ang amo nga resolusyon.
11 sa 15 ka mga myembro sang council ang nagboto-pabor kag duha naman ang nag-abstain.
Bangud pareho nga permanent members sang UN Security Council ang Russia kag China, nagakahulugan ini nga napaslawan nga makapasar ang resolution apisar pila pa ang boto nga nakuha gikan sa iban nga mga myembro.
Suno sa Russia kag China, biased ukon indi patas para sa Iran ang amo nga tikang.
Sa amo kuntani nga resolusyon, ginaduso nga mag-koordinar ang apektado nga mga nasyon agud masiguro ang safety kag ang seguridad sang navigation sa Strait of Hormuz.
“The Council failed to shoulder its responsibility in relation to an illegal conduct that requires decisive action with no delay,” suno kay Bahraini Foreign Minister Abdullatif bin Rashid Al Zayani kasunod sang pagbinotohay.
“Failing to adopt this resolution sends the wrong signal to the world, to the peoples of the world, the signal that the threat to international waterways can pass without any decisive action by the international organization responsible for the maintenance of international peace and security,” dugang sini sa statement nga gin-publish sa website sang United Nations.
Nahibaluan nga ang lima ka pungsod sa UNSC nga permanent members amo ang China, France, Russia, the United Kingdom, kag the United States nga palareho nga may right of veto sa ano man nga resolution ukon decision.
Ini nga 10 non-permanent members ang gina-eleher sang UN General Assembly kag naga-serbe para sa two-year terms.
Nagpanglakaak ang presyo sang langis sa kalibutan halin sang ginbalabagan sang Iran ang amo nga Strait bangud didto nagaagi ang one fifth sang global oil kag liquefied natural gas.
Sa bag-o nga development sini nga aga, nagsugot na ang Iran nga makalabay ang mga barko sa Strait of Hormuz sa sulod sang duha ka semana sa kondisyon nga may koordinasyon sa ila armed forces. Ang permiso halin sa Iran ang kasunod sang pagpasugot man sini sa duha ka semana nga ceasefire sa US.#
