ILOILO CITY- Ginkumpirma sang PHIVOLCS nga may yara sang gamay nga pagdugang sa seismic activity sa Kanlaon Volcano sa Negros Island matapos nga narekord ang 19 ka bag-o nga volcanic earthquakes.
Ini ang mas madamo sa 14 ka mga pagtay-og nga narekord kahapon.
Nagapabilin naman sa Alert Level 2 ang status sang bulkan.
Suno kay PHIVOLCS Director Teresito Bacolcol, ang bag-o nga tally ang mas manubo gihapon sa 53 ka volcanic quakes nga narehistro sang Hunyo 4 nga isa ka adlaw matapos naglupok ang Kanlaon.
