ILOILO CITY – Ilisipon nalang ang mga tawo nga nagapadulong sa mga shopping malls sa syudad sang Iloilo bangud sa kahangawa sa nagataas nga kaso sang Coronavirus Disease 2019.
Sa interview sang Bombo Radyo kay Atty. Joshua Alim, iya ginpahayag nga sa iya pagpadulong sa mga shopping mall sa syudad nakit-an niya nga tuman ka laka nalang ang nagalagaw bangud sa epekto sang COVID-19 scare.
Suno kay Alim, apisar nga nagpatuman na sang 3-Day Sale ang mga mall agud makaganyat sang mga costumers wala sa gihapon sang nagdagsa nga tawo indi kaangay sang una.
Bangud diri, apektado man ang negosyo sang mga tag-iya sang mga establisyemento kag mga magagmay nga kiosk sa sulod sang mga mall bangud wala sila sang benta.
Santo sa pahayag sang natungdan, kun tani mahatagan man sang igtalupangod sang City Government ang sitwasyon sang mga nesgosyante nga isa man sa naapektuhan sang kahangawa sa nasambit nga balatian.
